上回講到o係考場裡面兜圈熟習考牌車
而家進入練習泊位 調頭部份
商用車考試只有合格同唔合格
冇私家車/貨van考試咁分開兩部份計
之前提過考左兩次先合格
兩次都要考晒
口試 泊位 調頭
斜路停車開車 (斜路停開) 行考牌路線
如果o係考場裡面已經唔合格
(通常係泊位/調頭失敗)
考官可以直接終止考試
唔駛出街行路線
考試費同租車費咁就蝕得最金
先講泊位
呢度係泊 L 位
(荃灣/柴灣考場係 S 位)
駛部車入泊位調頭區
望鏡預好車位距離停低
(大巴得一個區 考試都係同一個位)
拉手掣 撳波掣入空波
再入後波 確認入到後波
見到後波 cam (鏡頭) 著左 顯示車尾畫面
打左燈 踩住 brake 鬆手掣
鬆少少 brake 部車就開始褪後
大車同細車一樣 都係要車慢軚快啦
但係大車馬力大 d
控制車速要更加小心
另外
相比棍波車透過踩極力子深淺
主動控制部車既動力
自動波車只可以踩 brake
抵銷部車既動力黎控制車速
(唔俾油都有動力)
踩 brake 太深會慢慢停低
太淺甚至唔踩 會慢慢加速
變左要少少風琴腳 一時淺 一時深
比較難踩實同一個深度
去令到部車接近定速褪後
(未必完全唔得既)
加上風 brake delay 半秒左右
控得唔好 部車一褪得快
好易心急想減番慢而落重左 brake
直頭大 dup 咁 chok 一 chok
盡量控好 d 啦 唔係連街都出唔到
(直接唔合格 唔駛行考牌路線)
褪到咁上下
開始扭左軚入車位
車速會因為車轆轉向同地形而有所變化
(點都有少少暗斜)
大車比細車明顯 d
小心控好車速
回番直堂軚架車又會快番少少
再褪到咁上下
係後波 cam 見到車尾入左指定界線
就停低拉手掣 入空波
考官可能會落車睇下泊成點
記得閂番好車門
考官確認冇問題可以繼續
唔好心急錯手鬆左手掣 入番波先
如果唔係就空波滑行 唔合格
係車位駛番出黎左轉
拉番直部車 停低拉手掣
頭先泊位既起點就係調頭既起點
聽完指示就準備三手軚調頭
都係車慢軚快
打右燈 踩住 brake 鬆手掣
鬆少少 brake
部車郁就開始扭盡右軚
控制好車速
望倒後鏡上面既魚眼鏡
車頭差唔多到壆就回軚
再盡量扭盡左軚
車轆到壆前停低 拉手掣 入空波
考官可能會落車確認有冇撞壆
確認冇問題 又係閂番門
入後波 打左燈 踩住 brake 鬆手掣
鬆少少 brake 開始褪後 扭盡左軚
睇右邊倒後鏡尾轆位置到咁上下
就回軚 再盡量扭盡右軚
尾轆到壆前停低 拉手掣 入空波
(後波 cam 只係睇到車尾 睇唔到尾轆
都係靠睇鏡黎判斷尾轆同壆既距離)
考官又可能會落車確認有冇撞壆
確認冇問題 又係閂番門
入波 打右燈 踩住 brake 鬆手掣
鬆少少 brake
部車郁就扭盡右軚
左頭轆冇撞壆之下完成右轉
就完成三手軚調頭
點解話第一/二手回軚之後
再盡量扭盡左/右軚?
因為大車盤軚比較大
而且部車每邊有兩圈半多少少
推拉軚每次推拉個時間都有番咁上下
加上有時車唔夠慢 控得唔夠好
(盡量唔用交差軚 避免錯手用左反手軚)
車轆就快到壆 未扭到盡都一定要停低
唔可以撞壆 但係都唔可以停低扭死軚
總之下一手軚一開始就扭番盡
完成調頭之後
隨即駛部車去斜路停開區
留意番有冇其他車用緊 (可以有人學車 有人考車)
有就外面停低 唔好入住 有咩事都係自己蝕底
自動波車斜路停開好似冇咩特別
停定個一刻 個 brake 踩番深少少
大車唔夠深會溜後
拉手掣之後 慢慢鬆 brake 費事太 chok
俾住油慢慢鬆手掣 部車就會慢慢順住起步
一過左上斜 就落住細 brake
大車落斜衝得好快
而且落斜之後 距離轉出考場既路口好近
避免太快啦 感覺唔安全
(考官都知道好快就轉彎)
轉彎之後 沿住路直去就直出考場
開始行考牌路線
其實我未諗到 行考牌路線有咩好寫同點樣寫
睇下點啦
下回續