上回開始介紹部考牌車
係一部宇通 (Yutong) 自動波短陣旅遊巴
講多少少部車先啦
跟住就進入行車部份
商用車考試規定
考牌車一定要用風 brake (煞車)
(其實即係一般重型貨車同巴士既風 brake)
初頭揸落真係有 D 唔慣
私家車 / 貨 van 踩 brake 個感覺係 linear (直線)
踩幾深就有幾大減速效果
但係風 brake 踩落去個下
有半秒 delay 先開始減速
仲要踩落去個深度同減速效果
有少少似 exponential (幾何級數)
即係踩輕個陣只有輕微減速
但係一踩得深少少
個下個減速效果係好大 (急升)
係可以去到接近大 dup 急煞咁
變左唔可以踩得太輕 (有減速但係體感唔明顯)
但又唔可以踩得太過深 (自己都唔舒服)
巴士乘客角度黎講呢
梗係唔想司機下下都大 dup 急停啦
柔順加速減速係考巴士牌其中一個重要既部份
每大 dup 一下就
黃紙(駕駛考試表格)上面
自然就會有一個腳掣控制不當錯誤
話說原來而家已經冇黃紙
變左 print 出黎既白紙
巴士公司既(專利)巴士踩細 brake 會有吹疏 (波箱減速)
(我唔知專利既考牌車有冇吹疏)
但呢部車就應該冇啦
(斷估唔會有都唔覺掛
點都唔係專利考牌車喎)
一踩 brake 就係個風 brake
點都有少少 chok 架喇
只係 chok 個力度有冇去到令乘客唔舒服既程度
冇得好似專利咁靠個吹疏減速 (點都舒服 d 啦下話)
除左要習慣下之外
要(調)校好張凳
主要係前後啦
高度我已經唔記得有冇得校
放腳既姿勢會影響俾 brake 既力度
試過張凳唔覺意校得太後
俾 brake 個陣感覺冇料到 (減得太慢)
一出力踩多深少少
個下即刻變左大 dup
嚇死
即刻搵位泊埋一邊拉手掣 打死火燈
校番好張凳
另外就係鞋喇
雖然 d 人話 著番自己著開既鞋 (波鞋) 就可以
(大部人都應該係波鞋?)
但係波鞋鞋底通常厚 d 用黎卸力
個鞋底隔左一隔
變左 腳感覺 brake 既深度會弱左
加上綁鞋帶有時會鬆緊不一
感覺唔同就係唔同
後來專登帶對無鞋帶既薄底平底鞋換
感覺好好多
少 d 因素影響踩 brake 穩陣 d
人車合一下話
不過當然唔可以著拖鞋 鱷魚鞋 等等
涼鞋都憫憫地 考試喎
你做乘客 都唔想見到巴士司機著呢 d 鞋啦
原本應該開始寫行車部份
不過呢篇似乎差唔多喇
下篇啦
下回再續