開始之前
戴定頭盔先
首先要講明學嘅係 私家/公共巴士
(10A牌、大巴、短車陣、車長7至8米、單層旅遊巴)
並唔係一般嘅專利巴士
(17A牌、九巴/城巴、車長10至12米、雙層巴士)
另外只係個人經歷自願分享
並唔係廣告 唔係教人學車
亦都唔係帶風向教其他人應該跟我咁樣做
技術嘢唔敢講太多 有錯請見諒
首先點解要學揸巴士呢
同大部份巴士迷一樣 可以話係細個嘅夢想之一啦
當然大個咗之後 唔係話可以乜都唔理
有私家車車牌達法定年數要求
就直接去巴士公司應徵做巴士車長考巴士牌圓夢
現實有好多考慮
大學讀咩科 職業 經濟狀況等等
現實就係 當時我唔可能辭咗份工 (其實而家都係)
全職去揸巴士
為咗預備日後 機會嚟到 真係可以揸巴士
我同好多人一樣 都係唯有揀 學 私家/公共巴士 呢條路
至少到時已經有巴士牌喺身
巴士公司大機會 d 可以直接請
經過一段操車操路線時間之後 點都可以出到街載客掛
跟住就講點解係10A牌 (自動波大巴)
唔知幾時開始 幾間駕駛學校陸陸續續
引入唔同牌子嘅自動波大巴 作為考牌車輛
俾我呢 d 冇諗住揸棍波巴士或者旅遊巴嘅人
多一個容易 d 嘅選擇 (唔使踩極力子轉波喎)
當然啦 用自動波考
考到就只可以揸自動波 公平嘅
巴士係屬於商用車
如果考棍波的話
同考其他商用車一樣 需要踩兩腳極力子
(踩一腳入空波 鬆返上嚟 再即刻踩返落去 真正入波)
先為止 完成一次正確轉波步驟
不論上波定係落波都要咁樣做 (落波仲要踩油門呼油)
的確係有 d 難度
雖然而家有傳聞話 已經唔使兩腳極力子
總之嗰陣時係要啦
揸自動波考 就冇咗因為入唔到波而直接 Fail 呢個風險
而且
日後真係有需要的話
可以之後再考返棍波中型貨車 (18牌)
起碼整體難度低少少先啦 載客比起載貨要求高唔少
Pass 咗之後就可以拎返
9 (棍波小巴、甩A)、10牌 (棍波大巴、甩A)
(本身考到10A牌會有埋9A牌
但係香港大部份小巴都係棍波 9A牌揸唔到)
所以就揀咗考自動波大巴
寫住咁多先
下回續